Biechhotupa第1章

¹ Zerusale beipa, Davi sawchapawpa, Biechhotuhpa biezy cha.

² Biechhotuhpa chata hrao leipa, hraoleipazy hraoleipa cha hraoleipa dei a châ! Hmo zydua he hmo hraoleipa a châ a tah."

³ Chyhsapa chata noh ry liata a hriapasana tawhta khâpa athôhna e a hmô?

⁴ Chhâzy lei ta, chhâ hropa vaw y heih ta, châhrasala alei deikua a y ngâthlâh haw.

⁵ Noh zy vaw chhi ta, tlâ tla heih ta, a vaw chhina su lâ cha tlao â parah tyh."

⁶ Thlih cha chho lâ tawhta vaw pathli ta, maw lâta khô pathlah ta; pathli chahlô lymâ ta, a vaw pathli tuana lâ cha kua heih ta.

⁷ Vatie zydua cha tilaipi liata tla ei ta, châhrasala tilaipi cha bie hlei vei; vatiezy cha ama lona tyhpa lâna chata, loh pathi lymâ heih ei ta.

⁸ Hmo zydua he noaichhihpa sai a châ, rei tiahpa chhao châ vei; mo ta a hmo hmôpa liana cha lôhrâtlô leipa ta, nahkhao chhao chata a hmô theipa cha bie hra vei.

⁹ Hmo a vaw y hawpa kha a vaw y awpa raina a châ, hmo tao hapa kha tao awpa raina a châ;noh ry liana heta hmo thiehpa rai y vei.

¹⁰ “Moh teh, he he a thiehpa cha a châ, “tah theipa hmo a y rai ma? Eima y hlâpi ta a vaw y chiehpa saina a châ.

¹¹ Chyhsa parohpazy pahno thlâh hana rai cha y khao leipa ta, a vaw pazipa pahno thlâh hana rai chhao y hra vei, ama hnôh lâ via heihta a vaw y awpa liata chhao.

¹² Biechhotuhpa na he Zerusale liata Izarel zy chôta abei ei châ haw.

¹³ Avâ ry ta hmo zydua he sona hmâpa ta ei palôhrupa ta ei tlua khai haw; Khazohpa ta chyhsazy hnohta hria awpa ta a vaw piepazy he riethei a chhih ngâsâ sai.

¹⁴ Noh ry ta hmotaopa zydua cha ei hmô khai haw; pachâ teh, hmo zydua he hraoleipa sai a vaw châ, khâpa hmah châ tlâ veih ei.

¹⁵ A koh chiehpa cha patlâh rimâ theipa châ leipa ta, a vy leipa cha rei thaipa rih châ vei.

¹⁶ Keimasasyh ta, “Zerusale liata a ypazy hlâta cha thata so via na ta; ei palôhrupa sona pahnona liata chhao ei pahno via syulyu,” a tah na ta.

¹⁷ Ei palôhrupa he sona pahno theina awpa nata ahrupa nata hruna kyh pahno awpa ta hmâh na ta. He chhao he hmo phahnai leipa deita a châ tahpa ei pahno haw.

¹⁸ Sona thata yna liana cha tymâna a hluh, pahnona papôhsatuhpa cha pachârôhna papôhsatuhpa a châ.