Ephesi mozy第2章

¹ Nâmo chhao nama hmoparaona nata nama moleinazy vâta athipa nama châ nona khata a cha pahro ei.

² Chazy liana chata eikhanona khata he khizaw ryhpa hawhta nama chareipa kha, a ruapa hmotaotheina beipa atahmâ ta ngiapâ leipa sawzy chôta a hria haituhpa thlahpa ryhpa hawhna heta.

³ Cha ngiapâ leipa sawzy hry liana chata keimo chhao eikhanota cha sapa nata palôhrupa khopa taopata eima sapa aohraonazy hawhta y khai pi ta, mo hropazy hawh hra ta, hiehâhna saw ta a pihpa eima châpa kha.

⁴ Châhrasala Khazohpa chata ngiachhiena hnei thlupata, a kyhpachâna a hluh ngaitapa vâna khata,

⁵ keimo paraonazy vâta athipa eima châ nona tlai chhaota, Krista hnohta maniah pahro hra ta (ngiachhiena ta pachhapa nama châ haw),

⁶ Krista Zisu liana chata ano hnohta maniah pathyupata, avâ suzy liata ano hnohta maniah patyusa haw ta.

⁷ Daihti a vaw tlô awpazy liana chata Krista Zisu liana heta eima chôta zawngiahna hneipata a ngiachhiena hnei thluzie cha a pamosa thei aw.

⁸ Ngiapâna vâta ngiachhiena ta pachhapa châ tlôh eichi ta; cha chhao cha nâmo tawhta a puapa châ leipata, Khazohpa hmosaipiepa a châ,

⁹ hmotaopa vâta châ vei, chata leipata la chyhsa ta amâ palaikhei pathlei aw na.

¹⁰ Hmopha tao awpata Krista Zisu liana chata taopata ano ku hriapa châ tlôh pi ta, cha hmopha taopa cha eima chânazie awpata Khazohpa ta a chhuahnoh chhieliepa a châ.

¹¹ Chavâta eikhano nâmo sapa lâta Zenitai, Zuzy, chopawtaipa atahpazy ta, chopawtai leipa ama tahpazy saih u (he he sapa liata âmosasy ta ama taopa a châ) —

¹² kha nona khata Krista leipata Izarel sahlao khihnarâh nata amaniahpata khizaw liana heta hnabeiseina rai hnei leipata nata Khazohpa leipata ypata, bietaina biehrai liana zy chata khichhaipa nama châpa kha a thei thlâh ha teh u.

¹³ Atahmâ deikua cha Krista Zisu liata, nâmo eikhanota lâhlapita a ypazy kha Krista thisaih chata pahniapata y haw eichi ta.

¹⁴ Ano cha eimâ ryhna châ tlôh ta, ano chata a pachhaina hmotao awpazy liata biepiepa ryhpa a ypa cha.

¹⁵ a sapa ta pahleipata hlao nozy cha pôhkha ta taopata ama likaw chhôhpadâhna pâhchhô cha parao ta, chatanachata ano liana chata panozy cha chyhsa thiehpa pôhkha ta taopata adyhna a tao thei nawpata.

¹⁶ Kraws liata a thina zawhzi ta pôhpa pôhkhata panozy cha Khazohpa nata a paryhsa thei ta, cha kraws chata a pachhaina a thi hawpa vâta.

¹⁷ Chatawhcha Krista a vy nahta nâmo Zenitai, Khazohpa tawhta lâhlapita a y tyhpazy hnohta adyhna Thâtihpha cha chho ei ta, Zuzy ano tawhta lâhniata ta a y tyhpazy hnohta chhao;

¹⁸ Krista zawhzi ta Zu nata Zenitaizy cha Thlahpa miakha ta Paw lâta a ngia theina eima hnei rairieh.

¹⁹ Chatanachata nâmo Zenitaizy, atahmâ khichhaipa nata khitlyhpa dei châ khao leipa eichi ta, mopathaihpazy nata khih chhôhkha nata Khazohpa chhôhkhapazy tlao nama châ haw.

²⁰ Krista Zisu tlai cha a ki liata alô phahnai chaipa châpata apôstôlzy nata hrohsopazy lôbôpa chôta a sapa châ eichi ta.

²¹ Ano liana chata alô bôpa nanopazy a ryh ngaitapata pazaopata Abeipa liana chata achhyna-o pathaihpa ta châ lymâ tyh ta;

²² nâmo chhao ano liana chata Thlahpa zawhzi ta, Khazohpa pahrâ nawpata sapa nama châ.;