1
Izi râh tawhtapa ama vaw puana kô nona kô, thla nona, noh kha noh ta, Sinai râhpathohpa liata ahmaohpakhyna poh-o liata ABEIPA ta Mawsi chho ta.
2
Izarel pathlazy pôhpakhypa zydua cha a chi a chi ta, a chhôhkha nano ta ama moh â pazina zie lymâ hawhta chapaw zydua reih khai teh.
3
kô syno tawhta a chôlâ Izarelzy hry liatahpa chariah lâ a sie theipa zydua cha, nâma nata Arawna ta a hlao hlao ta nama reih khai awpa a châ.
4
Chatawhcha na hnohta pho to hry liata chyhsa pakha chhôhkha pawhrâhpa lymâ ama y awpa a châ.
5
Hezy he na hnohta a y awpa mohzy cha a châ. Rubena pho liatahpa Sheidia sawchapawpa Elizu.
6
Simeona pho liatahpa Zurishadai sawchapawpa Shelumiel.
7
Zudah pho liatahpa Aminada sawchapawpa Nashona.
8
Iskara pho liatahpa Zuara sawchapawpa Nethanel.
9
Zebulawna pho liatahpa Helawna sawchapawpa Eliaba.
10
Zawsi pathla Ephrai pho liatahpa Amihu sawchapawpa Elisama, Manase pho liatahpa Pedazu sawchapawpa Kamaliel.
11
Benzami pho liatahpa Kidioni sawchapawpa Abidana.
12
Dana pho liatahpa Amisadai sawchapawpa Ahieza.
13
Asera pho liatahpa Okra sawchapawpa Pakiel.
14
Kada pho liatahpa Duel sawchapawpa Eliasa.
15
Nathalai pho liatahpa Ena sawchapawpa Ahira.
16
He sahlao he zawpizy a tlypa ama mahpawzy pho liatahpa pawhrâhpa Izarel chhôhkha pawhrâhpazy ama châ,” tahpa ta.
17
Mawsi nata Arawna chata cha ama moh reipa sahlaozy cha a chhi ei ta.
18
zawpi zydua cha thla nona, noh kha noh ta, awpakhy khai ei ta, a chi a chi ta, a chhôhkha nano ta, ama moh a hluhnazie lymâ hawhta, kô syno tawhta a chôlâ zydua cha ama pathlazy moh phuah ei ta.
19
ABEIPA ta Mawsi bie a piepa hawhta Sinai râhpathohpa liana chata rei haw ta.
20
Izarel saw tuapa Rubena pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, chapaw kô syno tawhta a chôlâ Rubena chi liata adyuhna lâ a sie theipa zydua cha.
21
thy palih nata sâh charu nata za pangawh ama châ.
22
Simeona pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, chapaw kô syno tawhta a chôlâ Simeona chi liata adyuhna lâ a sie theipa zydua cha.
23
thy pangawh nata sâh chaki nata za thôh ama châ.
24
Kada pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ Kada chi liata adyuna lâ a sie theipa zydua cha.
25
thy palih nata sâh pangawh nata za charu nata sypangawh ama châ.
26
Zudah pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ Zudah chi liata adyuhna lâ a sie theipa zydua cha.
27
thy sari nata sâh palih nata za charu ama châ.
28
Iskara pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ Iskara chi liata adyuhna lâ a sie theipa zydua cha.
29
thy pangawh nata sâh palih nata za palih ama châ.
30
Zebulawna pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ Zebulawna chi liata adyuhna lâ a sie theipa zydua cha.
31
thy pangawh nata sâh sari nata za palih ama châ.
32
Zawsi pathla hry liatahpa, Ephrai pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ, Ephrai chi liata adyuhna lâ a sie theipa zydua cha.
33
thy palih nata za pangawh ama châ.
34
Manase pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ Manase chi liata adyuhna lâ a sie theipa zydua cha.
35
thy thôh nata sâh no nata za no ama châ.
36
Benzami pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ Benzami chi liata a dyuhna lâ a sie theipa zydua cha.
37
thy thôh nata sâh pangawh nata za palih ama châ.
38
Dana pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ Dana chi liata a dyuhna lâ a sie theipa zydua cha.
39
thy charu nata sâh no nata za sari ama châ.
40
Asera pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ Asera chi liata a dyuhna lâ a sie theipa zydua cha.
41
thy palih nata sâh kha nata za pangawh ama châ.
42
Nathalai pathla chhâzy cha a chi a chi ta, a chhôhkha nano ta, ama moh hluhnazie lymâ hawhta, kô syno tawhta a chôlâ Nathlai chi liata a dyuhna lâ a sie theipa zydua cha; thy pangawh nata sâh thôh nata za palih ama châ.
44
Chazy cha ama châ, Mawsi nata Arawna ta Izarel pawhrâhpa pahrawhleino chhokha pawhrâhpazy chhaota ama reipazy cha.
45
Izarel pathla a chhôhkha nano ta, kô syno tawhta a chôlâ adyuhna lâ a sie theipa zydua Izarel râh liatahpa cha reih ei ta.
46
ama reipa zydua cha thy sy charu nata sâh thôh nata za pangawh nata sypangawh ama châ.
47
Livai chi pathlatuhpazy deikua cha reih hra veih ei.
48
ABEIPA ta Mawsi hnohta.
49
Livai chi la, na reih hra awpa châ leipa ta, Izarel chyhsazy hry liata na reipâ awpa châ hra vei.
50
Livai sahlaozy cha pahnosana achhyna byureih a mohôhtuhpa nata a hmobao zydua nata cha liata hmo a ypa zydua a mohôhtuhpa ta tlao na rao awpa a châ; achhyna byureih nata a hmobao zydua a sy tyh aw ei ta, mohôh aw ei ta, achhyna byureih kiapâh liata a riepa ta ama ypâ tyh aw.
51
Achhyna byureih cha a pua chy maihta Livai sahlao chata phi aw ei ta; chatawhcha achhyna byureih parai chy maihta Livai sahlao ta ama parai tyh aw. Pho hropa a vaw chhaopa maih cha thie awpa a châ aw.
52
Izarel pathlazy chata âmo su chyu liata a pahnosana liata ama hluhnazie lymâ hawhta, ama poh-ozy rai aw ei ta.
53
Livai sahlao deikua chata Izarel pathlazy ahmaohpakhypa sahlao chô liata pathi-iana a y lei nawpa ta pahnosana achhyna byureih chheipâh liata ama rai awpa a châ; Livai sahlao chata pahnosana achhyna byureih cha ama mohôh awpa a châ,” tahpa ta, vaw reih haw tlôh ta.
54
Cha hawhna chata Izarel pathlazy chata tao ei ta; ABEIPA ta Mawsi bie a piepa hawhpa zydua cha tao haw ei ta.
